Yma gallwch ddod o hyd i unrhyw gwestiynau y mae angen atebion arnoch iddynt, o deithio a gwybodaeth am barcio’r car ar gyfer eich peiriant llywio lloeren, i lety yn Abertawe, i fanylion y ras megis amser dechrau’r ras, cyfleusterau toiledau a mwy.
Oes gennych gwestiwn nad yw wedi’i ateb? E-bostiwch 10kBaeAbertawe@abertawe.gov.uk
Cwestiynau Cyffredin
Mae ras arobryn 10k Bae Abertawe'n un o'r rasys ffordd mwyaf blaenllaw yn y DU. Mae'r ras, a gynhelir am y 43 flwyddyn erbyn hyn, yn boblogaidd gyda rhedwyr profiadol a dechreuwyr ac enillodd wobr y 10k orau yng Nghymru yng Ngwobrau Rhedeg 2018 a 2019.
Cynhelir 10k Bae Abertawe Admiral ar hyd bae eiconig a hardd Abertawe, sy'n golygu bod y cwrs yn gyflym ac yn wastad a bydd yn rhoi cyflwyniad perffaith i redeg ar y ffordd ac mae'n berffaith ar gyfer gwella'ch amser gorau personol.
Cynhelir Ras 10k Bae Abertawe Admiral 2024 ddydd Sul 15 Medi.
Mae oddeutu 4,000 o bobl yn cofrestru ar gyfer y ras bob blwyddyn.
Nac oes wrth gwrs! Mae 10k Bae Abertawe Admiral yn ras hwyl hefyd, ac mae croeso i redwyr profiadol a phobl sy'n rhedeg am y tro cyntaf hefyd. Mae miloedd o bobl yn cofrestru bob blwyddyn am y tro cyntaf, mewn gwisg ffansi ac er mwyn codi arian i elusen.
Bydd pob un sy'n gorffen 10k Bae Abertawe Admiral yn derbyn medal!
Wrth gwrs! Bob blwyddyn, mae cannoedd o bobl yn rhedeg mewn gwisg ffansi er mwyn codi arian ar gyfer achosion da. Cofiwch rannu eich lluniau â ni ar y diwrnod
Wrth gwrs! Bob blwyddyn, mae miloedd o redwyr yn cofrestru ar gyfer y ras ar gyfer achosion da. Mae 10k Bae Abertawe Admiral hefyd yn cefnogi elusennau'r Arglwydd Faer.
Na chewch - ni fydd modd cofrestru na chymryd rhan yn y brif ras 10k ar y diwrnod.
Na - unwaith bod digon o ymgeiswyr neu bod y dyddiad cau wedi mynd heibio, ni dderbynnir unrhyw geisiadau eraill. Sylwer ni fydd modd cofrestru na chymryd rhan yn y brif ras 10k ar y diwrnod.
Na, unwaith eich bod wedi cofrestru ar-lein, y cyfan sydd angen i chi ei wneud yw dod a rhedeg! Ni allwch gofrestru ar y diwrnod ar gyfer y brif ras 10k.
Na chewch - yn anffodus, nid ydym yn caniatáu newid enwau ar ôl i chi gofrestru ar gyfer y ras. Peidiwch â newid eich rhif ras ag unrhyw redwr arall chwaith, gan y gallai hyn achosi problemau ar gyfer ein gwasanaeth meddygol neu ganlyniadau. Os bydd trefnwyr y ras yn ymwybodol bod unrhyw un yn newid ei rif ras bydd yn cael ei wahardd rhag y ras hon, ac efallai bydd yn cael ei wahardd rhag rasys eraill o dan reolau UKA. Gweler rheolau'r ras a'r amodau a'r telerau.
Bydd dwy orsaf ddŵr ar y cwrs - un ar y marc hanner ffordd (5km) ac un ar y diwedd.
Bydd stiwardiaid gwirfoddol ar y cwrs i fonitro, cyfarwyddo, cynorthwyo ac annog rhedwyr. Os oes angen cymorth arnoch unrhyw bryd yn ystod y digwyddiad, dylech fynd atyn nhw'n gyntaf.
Cofiwch fod gwirfoddolwyr ar y cwrs yn rhoi o'u hamser rhydd i'ch helpu chi ar ddiwrnod y ras, a gwneud eich profiad ras mor bleserus â phosib. Bydd unrhyw iaith anweddus neu ymddygiad ymosodol tuag at y marsialiaid yn arwain at anghymwyso a/neu wahardd unrhyw unigolyn sy'n ymddwyn yn y modd hwn o ddigwyddiadau yn y dyfodol, ac adroddir amdanynt i UK Athletics.
Bydd. Darperir cymorth cyntaf gan wirfoddolwyr Ambiwlans Sant Ioan a thîm o barafeddygon. Byddant ar gael ar hyd y llwybr a bydd ganddynt ganolfan wrth y llinell derfyn. Os ydych yn teimlo’n sâl cyn, yn ystod, neu ar ôl y digwyddiad, gofynnwch i'r marsial neu’r stiward agosaf am gymorth.
Mae toiledau ar gael ger y llinell gychwyn a'r llinell derfyn, ac mewn sawl man ar hyd y llwybr rhedeg.
Bydd y pwynt plant coll yn y Babell Wybodaeth lle bydd staff yn gallu'ch helpu.
Mae gennym dîm o gasglwyr sbwriel sy'n casglu ac yn trefnu gwastraff i'w ailgylchu, ond helpwch ni i ailgylchu gymaint o wastraff â phosib gan ddefnyddio'r biniau ailgylchu a ddarperir pan y gallwch.
Os collwch chi unrhyw beth yn ystod y digwyddiad, gallwch gysylltu â ni trwy'r dudalen Facebook, neu e-bostiwch y tîm digwyddiadau yn special.events@abertawe.gov.uk.
Cofiwch y bydd y tîm digwyddiadau'n brysur iawn dros y penwythnos, a byddant yn dychwelyd i'r swyddfa ar ôl y digwyddiad.
Cyn y Ras
Anfonir pecynnau ras at yr holl redwyr bythefnos cyn y ras.
Bydd yn cynnwys eich bib rasio, taleb am grys T (i'w chyflwyno wrth gasglu'ch crys T 10k) a gwybodaeth am ddiwrnod y ras.
Eleni, fe ddaw eich bib gyda label bag i'w rwygo oddi arno a thaleb crys T.
Os nad ydych wedi derbyn eich pecyn ras e-bostiwch special.events@swansea.gov.uk
Os yw'ch cyfeiriad wedi newid ers y tro diwethaf i chi gofrestru, gallwch ddiweddaru'ch manylion ar yr Njuko Hwb Aelodau. Mae'r nodwedd hon ar gael am gyfnod penodol yn unig, ac ar ôl hynny bydd rhaid i chi gysylltu â 10kBaeAbertawe@abertawe.gov.uk.
Os oes angen i chi ddiweddaru'ch cyfeiriad ar ôl i'r pecynnau rasio gael eu postio, efallai y gallwn eich helpu, fodd bynnag codir ffi fach i ailgyflwyno pecynnau'r ras.
Gallwch gasglu'ch crys T o'r babell gwybodaeth a bagiau ar y Prom, ger cofeb Jac Abertawe.
Rhoddir y sglodyn amseru ar gefn eich rhif ras. Ar ddiwrnod y ras, gwisgwch eich rhif ras ar eich blaen â phin diogelwch ar bob cornel. Eich cyfrifoldeb chi yw sicrhau eich bod yn cyrraedd y llinell derfyn gyda'ch rhif ras yn gyflawn.
Peidiwch â phlygu na thorri eich rhif ras mewn unrhyw ffordd.
Gweler yr amserlen isod;
- 10k Cadair olwyn (15+ oed) TBC
- 10k (15+ oed) TBC
- 3k (rhwng 9 a 14 oed) TBC
- 1k (rhwng 8 a 11 oed) TBC
- 1k (7 oed ac iau) TBC
Yn ystod y Ras
Bydd sylwebaeth ar y llinell derfyn, a fydd yn disgrifio lleoliad y rhedwyr ar y cwrs, a bydd yn galw enwau rhedwyr sydd wedi gorffen y ras wrth iddynt groesi'r llinell derfyn. Gwrandewch yn astud - efallai y byddwch yn clywed eich enw!
Mae'r ras yn dechrau am 9.15am ac mae'r brif ras 10k yn dechrau am 11.00am. Mae'r brif ras 10k fel arfer yn cymryd tua 2 awr i'w chwblhau.
Pentref y Ras, sydd ar ardal laswelltog y Rec.
Bydd staff diogelwch a Heddlu De Cymru i'w gweld ar y safle a byddant yn patrolio yn arena'r digwyddiad ac yn yr ardal gyfagos. Os byddwch yn gweld rhywbeth drwgdybus, adroddwch amdano i staff diogelwch neu stiward ar unwaith.
Eich diogelwch a'ch diogeledd yw ein prif bryder, ac rydym yn ymdrin â hyn yn ddifrifol iawn. Mae Cyngor Abertawe a Heddlu De Cymru wedi bod yn cynllunio'r digwyddiad hwn am amser hir, ac os byddwch yn bresennol yn y digwyddiad rydym am i chi fwynhau a chael hwyl, felly darllenwch yr wybodaeth a'r cyngor canlynol ynghylch diogelwch yn y digwyddiad.
- Bydd staff diogelwch i'w gweld yn y digwyddiad a byddant yn patrolio o amgylch y safle.
- Efallai y bydd cŵn arbenigol yn patrolio hefyd.
- Mae rhwydwaith o gamerâu CCTV wedi'i osod o gwmpas y lleoliad, a chânt eu monitro o'n hystafell reoli'r digwyddiad.
- Rydym wedi gweithio'n agos gyda'r Heddlu a'r gwasanaethau brys eraill i gynllunio digwyddiad sy'n ddiogel i bawb.
- Bydd yr Heddlu'n patrolio'r digwyddiad a'r ardal leol.
- Efallai y byddwch yn gweld heddweision arfog yn patrolio'r ardal gan ei fod yn arfer arferol mewn digwyddiadau o'r maint hwn.
- Bydd nifer o fesurau diogelwch eraill ar waith na allwch chi eu gweld.
Cynhelir y digwyddiad, hyd yn oed os bydd yn glawio. Os bydd y tywydd yn wael, byddwch yn ofalus wrth i chi redeg.
- 10k Cadair olwyn (15+ oed)
- 10k (15+ oed)
- 3k (rhwng 9 a 14 oed)
- 1k (rhwng 8 a 11 oed)
- 1k (7 oed ac iau)
Mae Cyngor Abertawe wedi gweithio'n agos gyda'r gwasanaethau brys er mwyn sicrhau bod y digwyddiad hwn yn ddiogel. Er y bydd rhai ffyrdd ar gau, bydd gan y gwasanaethau brys fynediad ar bob adeg.
Dyma'r rheswm pam ni chaniateir clustffonau.
Na - ni chaniateir clustffonau yn ystod y ras. Mae llwybr 10k Bae Abertawe Admiral yn cynnwys adrannau o ffyrdd sydd ar gau, ac mae angen mynediad i gerbydau brys ar bob adeg. Er diogelwch yr athletwyr, ni chaniateir clustffonau oherwydd y gallant stopio'r rhedwyr rhag clywed hysbysiadau diogelwch neu gerbydau gwasanaethau brys.
Na, er ei fod yn un o'r rasys cyflymaf yn y DU mae croeso i redwyr hwyl hefyd. Os ydych tua chefn y ras, efallai y gofynnir i chi symud i'r palmant os ystyrir bod angen i chi wneud hynny gan Gyfarwyddwr y Ras.
Caniateir dyfeisiau ffitrwydd personol, ond sylwer ni chaniateir clustffonau.
Na, oherwydd byddai hyn yn cyflwyno perygl baglu i redwyr eraill.
Na, oherwydd byddai hyn yn cyflwyno perygl baglu i redwyr eraill.
Gallwch ein dilyn ar Facebook a Twitter er mwyn cael diweddariadau ar y ras, a'r traffig a theithio.
Gall rhieni redeg gyda'u plant yn ein rasys iau 1k ar gyfer plant 7 oed ac iau ac ar gyfer plant 8-11 oed. Ni all rhieni redeg yn ein ras 3k, ond caniateir iddynt ddilyn yng nghefn y grŵp.
Ar ôl y Ras
Bydd staff yno i'ch helpu a gallwch hefyd gasglu potel o ddŵr a chasglu'ch bag anrhegion a fydd yn cynnwys eich medal a'ch tystysgrif (tystysgrifau ar gyfer rasys iau'n unig). I gwrdd â ffrindiau a theulu ar ôl y ras, symudwch o'r sianeli ac ewch i gwrdd â hwy y tu allan i'r babell wybodaeth.
Gallwch gasglu eich medal gorffen ras 10k Bae Abertawe Admiral ar ôl cwblhau'r ras. Caiff manylion eu cadarnhau'n fuan.
Bydd canlyniadau dros dro ar gael yn www.10kbaeabertawe.com yn hwyr ar ddiwrnod y ras. Bydd y set gyntaf o ganlyniadau dros dro ar gael ychydig oriau ar ôl i'r rhedwr olaf groesi'r llinell derfyn. Bydd y canlyniadau terfynol ar gael oddeutu 7 niwrnod ar ôl digwyddiad. Os nad yw eich canlyniadau'n gywir/nid yw'n ymddangos yn y canlyniadau dros dro, peidiwch â phoeni! Byddant yn ymddangos yn y canlyniadau terfynol.
Photo-fit.com yw ffotograffwyr swyddogol y ras eleni.
Os nad ydych wedi derbyn unrhyw un o'r pethau uchod, ewch i'r Babell Wybodaeth. Os ydych yn sylweddoli ar ôl i chi adael safle'r digwyddiad, gallwch gysylltu â ni trwy'r dudalen Facebook, neu e-bostiwch dîm digwyddiadau arbennig y cyngor yn special.events@abertawe.gov.uk
Rheolau/Amodau a thelerau’r ras
Sicrhewch eich bod yn darllen rheolau ac amodau a thelerau’r ras cyn y diwrnod.