7k – mae’n bell yn fy marn i yn enwedig gan ei fod yn mynd â chi hyd at Glwb Rygbi Dyfnant ond rwyf wedi gwneud ychydig o deithiau.  Y mis hwn (Ebrill) rwyf wedi llwyddo i fynd ar ychydig deithiau rhedeg – 6 i fod yn fanwl gywir ond yna rhedais allan o amser i ddiweddaru fy mlog.  [Read more…]

Rwyf wedi rhedeg sawl gwaith ers i mi ysgrifennu y tro diwethaf felly dyma beth ydw i wedi’i wneud ers hynny (mae’n fis Ebrill):  Rwyf wedi newid fy app i km yn lle milltiroedd sy’n ei wneud yn haws i mi gyfrifo’r pellter.  Mae gennyf ffrind rhedeg bellach sy’n wych ac rydym wedi bod ar ddwy daith redeg wych – 6k y ddau dro sydd tua 4.6 milltir. Nid y nod o 5 milltir ond bron â chyrraedd y nod. Ac es i ar daith redeg 4k o amgylch y stryd i geisio cael pŵer yn fy nghoesau – nid yw wedi digwydd eto fodd bynnag.  Rwyf hefyd wedi cael cinio gwych gyda’r menywod ac wedi yfed llawer o swigod pinc – neis ac wedi cyrraedd 7k – hwre!

[Read more…]

Mae mis Mawrth wedi troi’n fis Ebrill a chyda rhai teithiau rhedeg pellach wedi’u cwblhau, rwyf wedi penderfynu peidio â chyfrif fy nheithiau rhedeg oherwydd y gobaith yw y byddaf yn gwneud gormod i gyfrif erbyn i’r 10k gyrraedd (o bosib!) Profiad newydd unwaith eto, yn rhedeg ar ôl noson hwyr (mae canol nos yn anarferol iawn gyda 2 blentyn dan 5 oed) nos Sadwrn gyda’m gŵr a ffrindiau ac yn teimlo ychydig yn sâl fore Sul.  Nid oeddwn wedi mynd i redeg nes y prynhawn ac es i’n gynt nag arfer – gyda’m het bêl-fas a’m top rhedeg llewychol wrth gwrs!  Roedd y llais Americanaidd yn dweud wrthyf pa mor bell roeddwn wedi rhedeg.  Yr un llwybr eto – nawr rwyf wedi diflasu’n llwyr ar y golygfeydd (nid golygfeydd mewn gwirionedd – dim ond traffig a thai)L felly bydd angen i mi newid fy llwybr y tro nesaf yn sicr.

Popeth yn iawn y tro hwn, roeddwn yn teimlo’n iawn ac roeddwn yn gynt (yn bennaf oherwydd fy mod wedi diflasu ar y llwybr) a llwyddais i gyflymu o funud!  Hwre!  Rhedais 2.6 milltir mewn 26 munud – llawenydd.  Roeddwn yn haeddu fy nghinio rhost y noson honno! Rwy’n bwriadu rhedeg ar hyd y traeth y tro nesaf i weld pa mor bell gallaf fynd – gan anelu at 5k.

Woohoo!  Sul y Pasg (gwallgofrwydd llwyr ond roedd yn rhaid i mi losgi calorïau’r wyau Pasg rhywsut) 9.30am, 1 gradd uwchlaw’r rhewbwynt a’r gwynt yn aeafol. Dylai’r tywydd yma fod ym mis Mawrth! Ond roedd yn ddiwrnod hyfryd a dechreuais redeg ar y llwybr 10k.  Gyda menig y tro hwn – rhai streipïog 2-3 oed – diolch blant!

Siaradodd y person Americanaidd ar yr app Nike yn fwy y tro hwn, gan ddweud milltir, 2 filltir a 2 filltir a hanner a 3 milltir.  Roeddwn wedi synnu ar ôl milltir fy mod wedi rhedeg milltir (llawenydd) ac roedd hi’n anodd iawn peidio â mwynhau rhedeg ar lan y môr (oni bai am y don fawr ddaeth dros y wal.  Yn ffodus, nid oedd unrhyw un wedi fy ngweld!)

Y canlyniad oedd 38 munud a 5k / 3.67 milltir – Hwre!  Dim ond 3 milltir i fynd cyn i mi gyrraedd 10k/6milltir ac yna bydd yn rhaid gweithio ar yr amser.  Rhaid i mi redeg 5 milltir y tro nesaf i weld a fyddaf yn llwyddo.  Es i adref yn hapus i fwyta fy mhwysau mewn siocled. 🙂

Es i ar fy nhaith redeg nesaf neithiwr ar ôl seibiant o bythefnos (roedd penwythnos i ffwrdd a haint ar y fron yn llythrennol wedi fy atal rhag rhedeg.)  Bellach mae’n fis Mawrth ac nid wyf yn rhedeg gyda’r nos fel arfer ond rhaid i chi ddychwelyd i’ch esgidiau ymarfer cyn gynted â phosib ar ôl cyfnod o beidio â rhedeg (o leiaf dyna beth wedais i wrtha i fy hun) ac roedd hi’n noson hyfryd – yn gynnes ac yn heulog, sy’n dywydd arferol ym mis Mawrth.

Roedd hi’n iawn, roedd pobl yn gallu fy ngweld yn fy nhop rhedeg llewychol (roeddwn ar y palmant ond…byddwch ddisglair, byddwch ddiogel) ond hanner ffordd trwy fy nhaith redeg, bu farw’r batri ar fy ffôn ac roedd yn rhaid i mi wrando ar fy anadlu yn hytrach na’r app gyda’r llais Americanaidd yn fy annog ac yn dweud wrthyf pa mor bell roeddwn wedi rhedeg felly nid oedd hynny’n llawer o hwyl.  Roeddwn wedi cwblhau fy nhaith redeg mewn hanner awr y tro hwn, felly ychydig yn gynt. 🙂

Es i ar yr un llwybr ag o’r blaen, yn bennaf i weld a allaf redeg ychydig yn gynt ond nid wyf yn siŵr a oeddwn wedi gwneud hynny.  Nid oeddwn wedi mwynhau cymaint y tro hwn a bellach mae gennyf ewin bys troed tost (braidd yn rhyfedd, efallai ei fod yn amser cael esgidiau newydd) ond rwy’n falch fy mod wedi gallu rhedeg heb stopio eto.  Byddaf yn mynd ar fy nhaith redeg nesaf ar ddiwedd yr wythnos ac rwy’n meddwl am redeg ar lwybr newydd i weld a ydw i’n gwella.