Ar ôl yr holl oriau ar y felin draed, a’r holl wythnosau’n rhedeg yn y tywydd gwlyb, roedd y cyfan yn werth chweil – llongyfarchiadau am gymryd rhan yn 10k Bae Abertawe Admiral 2023!
Roedd yn ddigwyddiad ardderchog unwaith eto, ac roedd yr oedolion a’r plant yn rhedeg er mwyn curo eu nodau a chodi arian dros elusennau. Cofiwn hefyd am y gefnogaeth arbennig gan y bobl a oedd yn gwylio ar ochrau’r llwybr!
Gwnaeth eich holl waith caled ddwyn ffrwyth, ac mae’r canlyniadau ar gael ar-lein i chi eu gweld. Felly, mae’n amser i chi roi’r tegell ymlaen, eistedd yn gyfforddus a chael cip ar eich llwyddiant!
Wnaethoch chi gofio i wenu ar y camera?
Roedd ffotograffwyr swyddogol y ras, Photo-fit.net ar y cwrs trwy gydol y dydd i dynnu llun ohonoch yn y ras. Mae eich lluniau o’r ras bellach ar-lein.