Gan mai ychydig dros 20 wythnos sydd tan ras 10k Bae Abertawe Admiral, roeddwn i’n credu y byddai’n amser da ailddechrau ysgrifennu blog. Ond yn gyntaf, gadewch i mi gyflwyno fy hun. Fy enw yw Sabastian a hoffwn i fod yn rhedwr brwd. Byddaf yn gofalu am y blog 10k, yn ogystal â’r  gefnogaeth a’r cymorth gan ysgrifenwyr gwadd niferus, arbenigwyr rhedeg ac yn y blaen.

Y pwnc cyntaf roeddwn yn credu y dylem sôn amdani yw dod o hyd i bartner rhedeg addas – nid yw rhedeg yn weithgaredd cymdeithasol fel arfer. Mae angen i redeg fod yn rhan o’ch trefn wythnosol – mae cysondeb yn arwain at lwyddiant. Felly, wrth ymarfer rhedeg, mae dod o hyd i bartner rhedeg da y gallech redeg gyda hwy yn rheolaidd yn rhan hanfodol o’ch llwybr at lwyddiant.

Yn ffodus, mae llawer o opsiynau ar gael i chi. Felly, gwnewch eich dewis, a dechrau heddiw.

Os oes gennych ychydig o arian sbâr, pam na wnewch chi fuddsoddi mewn Joggobot, robot cymar i redwyr? Trwy ddefnyddio camera mewnol, mae’r drôn ymreolaethol yn canolbwyntio ar synwyryddion mewn crys arbennig ac yn eich annog i gadw’r un cyflymder. Anghofiwch esgidiau rhedeg ffasiynol a chrysau llachar, bydd y joggobot yn gwneud i chi edrych fel rhedwr proffesiynol ar y ffordd, ond cadwch lygad am beilonau a’r gwyntoedd cryfion dieflig sydd ar arfordir Abertawe.

Nesaf y mae ffrind gorau dyn. Meddyliwch amdano: os oes gennych gi, mae angen mynd ag ef am dro hefyd. Os ydych am gael ychydig o hwyl ar yr un pryd (pwy fyddai ddim?), yna pam na wnewch chi wisgo gwisg ci hefyd (*ci yn mynd â chi am dro?!).Ydych chi erioed wedi gweld *person yn mynd â mwy nag un ci am dro ar yr un pryd, a’r tenynnau’n croesi ac yn cael eu drysu? Sicrhewch nad yw hyn y digwydd i chi. Cofiwch, chi yw rheolwr y gangen, a’r ci yw eich cynorthwy-ydd (mewn theori).

Felly mae angen i chi barhau i dynnu eich ci yn ôl wrth iddo geisio mynd yn gynt na chi; chi sy’n gosod y cyflymdra, ac mae’n bwysig i chi fwynhau rhedeg gyda’ch ci. Ond sicrhewch eich bod yn cadw at yr hyn y dylech ac na ddylech ei wneud wrth redeg gyda’ch ci.

*Sicrhewch eich bod wedi dilyn rhai o’r dolenni, gan fod rhai lluniau doniol a all wneud i chi chwerthin.

Sicrhewch eich bod yn ddigon cryf i ddal eich ci yn ôl cyn i chi fynd â’ch ci allan. Y peth olaf rydych chi am i ddigwydd yw cael eich *tynnu drosodd a’ch anafu, gan fod eich Daniad Mawr wedi gweld cath!

Yn olaf, gallech ddod o hyd i berson go iawn i redeg a siarad ag ef/hi 🙂

Harriers Abertawe	www.swanseaharriers.co.uk
Cobras yr LC	www.gymswansea.co.uk/lc-cobras
Swansea Trotters	www.swanseatrotters.com
Mumbles Milers	www.mumblesmilers.com

Sicrhewch eich bod wedi darllen am sut i ddod o hyd i’r partner rhedeg addas ar eich cyfer chi. Gall hyn amrywio gan y gall eich amcanion, eich lefel ffitrwydd, eich hoff arwyneb etc. amrywio.

Felly, pam na wnewch chi ddod o hyd i’ch partner rhedeg delfrydol a dechrau heddiw. Dewch yn ôl yr wythnos nesaf ar gyfer post llawn hwyl a chwerthin arall. 🙂

———————————

Oddi wrth eich rhedwr cymdogaeth cyfeillgar

———————————

Oddi wrth eich rhedwr cymdogaeth cyfeillgar

https://www.swanseabay10k.com/uncategorized-cy/2739

Yn ôl yn y byd go iawn ar ôl gwyliau gwych – seibiant am wythnos yn yr heulwen gynnes – hyfryd!  Wedi cael seibiant o bythefnos o redeg ac ymarfer corff i fwynhau’r tywydd gwych gartref (lwcus iawn i ddychwelyd i’r heulwen) ond roedd yn rhaid i mi baratoi ar gyfer y Ras am Fywyd ar 21 Gorffennaf.  [Read more…]

O diar!  Mae’n fis Mehefin o hyd ond rwyf wedi cwblhau fy nhaith 10k gyntaf – hwre! Ni allaf gredu fy mod wedi’i gwneud ac mewn amser eithaf da hefyd (rwyf wrth fy modd) 59 munud a 25 eiliad!  Ac (rwy’n teimlo’n eithaf hunanfodlon) roeddwn wedi mwynhau er ei fod yn eithaf pell.  Y nod bellach yw rhedeg 5 munud yn gynt ym mis Medi.

Cyrhaeddais y tŷ wedi blino’n lân ac yn llwgu – oes unrhyw un arall wedi ymateb fel hyn i’w taith 10k gyntaf?  Roeddwn fel Slimer o Ghostbusters ac yn taflu bwyd i’m ceg yn gyflym.  Roedd fy merched yn dweud, wyt ti’n iawn mam, wrth lygadu’r bwyd. Rwy’n credu wnes i roi braw iddynt.  Ac rwyf wedi blino’n lân yr wythnos hon. Nid wyf yn credu y byddaf yn rhedeg 10k llawer cyn y ras ym mis Medi.  Y ras nesaf yw’r Ras am Fywyd 5k – rwy’n anelu at 25 munud – croesi bysedd.  Rwyf yn mynd ar wyliau yr wyf yn ei haeddu yr wythnos nesaf felly dim rhedeg, llawer o heulwen a gwin a bwyd gwych – hwre!